0

Read and answer the questions at the end in comments ; (Upper intermediate) try it !

1年前

إسكندرية عاصمة الجمال

إسكندرية واحدة من أجمل المدن في مصر، وهي موجودة في شمال مصر. كتير من المصريين بيحبوا يزوروها خصوصاً في الصيف عشان الجو بيكون حر قوي في باقي المدن خصوصاً القاهرة والجيزة لكن هي بتكون دايما جوها جميل والبحر بيخلي الجو رطب شوية !. دي ميزة وعيب في نفس الوقت ؛ فالجو بيكون معتدل ومش حر قوي بس هتكون طول الوقت عرقان. بتسافر الأسر المصرية إسكندرية ليوم واحد أو أكتر لحد ممكن اسبوع ،وفي الأسبوع دا بينزلوا البحر وبياكلوا أيس كريم من محلات كتير مشهورة هناك زي "جيلاتي عزة" واللي ليه فروع كتير في كل الكورنيش. التاكسي في إسكندرية من أكتر الحجات المميزة للمدينة؛ عشان لونه المميز مزيج من الأصفر والأسود واللي يشبه تقريبا التاكسي في أسبانيا مع الأختلاف الكبير في موديل العربيات. البحر الأبيض المتوسط هو واحد من بحرين موجودين في مصر والتاني هو البحر الأحمر. لما تروح إسكندرية لازم تاكل هناك سمك طازة وتستمتع بالجو الجميل . معظم الناس اللي بيسافروا إسكندرية من القاهرة أو محافظات تانية بيسافروا بالقطر لأنه رخيص وأمان و الدرجات المميزة منه مميزة جداً بالمقارنة ببلاد تانية. لازم تزوروا مصر عشان تروحوا إسكندرية وتشوفوا أهل أسكندرية وهم لطاف جداً .


egypt
alexandria
egyptian arabic
culture
Questions
  1. 1. تاكسي إسكندرية ألوانه زي التاكسي فين؟
  2. 2. ليه الناس بيسافروا إسكندرية وإمتى؟
  3. 3. اكتبوا اسم محل أيس كريم مشهور في إسكندرية؟
  4. 4. في كام بحر موجودين في مصر ؟ أيه هما؟
  5. 5. لازم تاكل أيه لما تسافر إسكندرية؟

人気

0
Jackie
Flag英語11時間前
コメント: 2詳細レポート
jackie
translation
fluency
conversation
vocabulary
0
Kenda
Flagスペイン語7時間前
コメント: 0詳細レポート
0
Ryan
Flag英語1日前
コメント: 0詳細レポート
reading
writing
free practice
coachsoule
ielts and conversation coaching
0
Shana
Flag英語9時間前
コメント: 1詳細レポート
second language
non-native speakers

Ahmed

Flag
(46)
$10.00
USD/h
class
アラビア語
globe
エジプト
time
169
レッスンを予約